ਮਾਲੇਰਕੋਟਲਾ, 28 ਮਾਰਚ (ਬਲਵਿੰਦਰ ਸਿੰਘ ਭੂੱਲਰ) ਪੰਜਾਬ ਦੇ ਨਵੇਂ ਬਣੇ ਜਿਲਾ੍ਹ ਮਾਲੇਰਕੋਟਲਾ ਅੰਦਰ ਇੰਡੀਅਨ ਫਾਰਮਰਜ਼ ਐਸੋਸੀਏਸ਼ਨ ਨਾਂਅ ਦੀ ਪ੍ਰਮੁੱਖ ਕਿਸਾਨ ਜਥੇਬੰਦੀ ਇਸ ਦੇ ਕੌਮੀ ਪ੍ਰਧਾਨ ਸ.ਸਤਨਾਮ ਸਿੰਘ ਬਹਿਰੂ ਦੀ ਅਗਵਾਈ ਹੇਠ ਲਗਾਤਾਰ ਜੋਰ ਫੜਦੀ ਵਿਖਾਈ ਦੇ ਰਹੀ ਹੈ ਜਿਹੜੀ੍ਹ ਕਿਸਾਨੀ ਮੰਗਾਂ ਲਈ ਲਗਾਤਾਰ ਯਤਨਸ਼ੀਲ ਹੈ ਅਤੇ ਸਾਰੇ ਕਿਸਾਨ ਮੋਰਚਿਆਂ ਵਿੱਚ ਵੱਧ ਚੜ੍ਹ ਕੇ ਹਿੱਸਾ ਵੀ ਲੈ ਰਹੀ ਹੈ ਅਤੇ ਲੜਾਈ ਵੀ ਲੜ੍ਹ ਰਹੀ ਹੈ। ਇਸ ਜਥੇਬੰਦੀ ਦੇ ਸੂਬਾ ਜਨਰਲ ਸਕੱਤਰ ਸ.ਹਰਦੇਵ ਸਿੰਘ ਦਰੋਗੇਵਾਲ ਨੇ ਪ੍ਰੈਸ ਨੂੰ ਜਾਣਕਾਰੀ ਦਿੰਦਿਆਂ ਦੱਸਿਆਂ ਕਿ ਅੱਜ ਸ.ਨਰਿੰਦਰ ਸਿੰਘ ਰੁਸਤਮਗੜ੍ਹ ਨੂੰ ਅੱਜ ਪਿੰਡ ਰੁਸਤਮਗੜ੍ਹ ਦੀ ਸਥਾਨਕ ਇਕਾਈ ਦਾ ਪ੍ਰਧਾਨ ਚੁਣਿਆ ਗਿਆ।ਇਸ ਮੌਕੇ ਸੂਬਾ ਮੀਤ ਪ੍ਰਧਾਨ ਗੁਰਦੇਵ ਸਿੰਘ ਸੰਗਾਲਾ ਨੇ ਜਾਣਕਾਰੀ ਦਿੰਦਿਆਂ ਇਹ ਵੀ ਦੱਸਿਆ ਕਿ ਇੰਡੀਅਨ ਫਾਰਮਰਜ਼ ਐਸੋਸੀਏਸ਼ਨ ਦੇ ਕੌਮੀ ਪ੍ਰਧਾਨ ਸ.ਸਤਨਾਮ ਸਿੰਘ ਬਹਿਰੂ ਜੀ 30 ਮਾਰਚ ਨੂੰ ਮਾਲੇਰਕੋਟਲਾ ਵਿਖੇ ਸ.ਹਰਪ੍ਰੀਤ ਸਿੰਘ ਜਵੰਧਾ ਜੀ ਦੇ ਸ਼ੋਅ-ਰੂਮ (ਨਜਦੀਕ ਚੰਦੂਰਾਈਆਂ ਰਿਹਾਇਸ਼) ਵਿਖੇ ਪਹੁੰਚਣਗੇ ਜਿਸ ਦੇ ਚਲਦਿਆਂ ਜਿਲਾ੍ਹ ਮਾਲੇਰਕੋਟਲਾ ਦੇ ਸਾਰੇ ਕਿਸਾਨ ਆਗੂ ਮਾਲੇਰਕੋਟਲਾ ਵਿਖੇ ਜਰੂਰ ਪਹੁੰਚਣ।ਇਸ ਇਕਾਈ ਦੇ ਪ੍ਰਧਾਨ ਨਰਿੰਦਰ ਸਿੰਘ ਰੁਸਤਮਗੜ ਨੂੰ ਜਿਲਾ ਪ੍ਰਧਾਨ ਬਲਵਿੰਦਰ ਸਿੰਘ ਭੁੱਲਰ ਨੇ ਸਿਰਪਾਉ ਦੇਕੇ ਸਨਮਾਨ ਕੀਤਾ ਇਸ ਮੌਕੇ ਬਲਦੇਵ ਸਿੰਘ,ਮਿੱਠੂ ਸਿੰਘ,ਸੁਖਵੀਰ ਸਿੰਘ ,ਰਾਜਵਿੰਦਰ ਸਿੰਘ,ਅਵਤਾਰ ਸਿੰਘ,ਗੁਰਵਿੰਦਰ ਸਿੰਘ,ਸੇਰ ਖਾਂ ਅਤੇ ਮਲਕੀਤ ਸਿੰਘ ਨੂੰ ਇਕਾਈ ਦੇ ਮੈਬਰ ਬਣਾਇਆ ਗਿਆ।
![](https://bgcnews.in/wp-content/uploads/2024/04/mlk-28-2-min-1024x768.jpg)