ਮਾਲੇਰਕੋਟਲਾ, 16 ਮਾਰਚ (ਬਲਵਿੰਦਰ ਸਿੰਘ ਭੁੱਲਰ) : ਇੰਡੀਅਨ ਫਾਰਮਰਜ਼ ਐਸੋਸੀਏਸ਼ਨ ਦੇ ਸੂਬਾਈ ਜਨਰਲ ਸਕੱਤਰ ਸ.ਹਰਦੇਵ ਸਿੰਘ ਦਰੋਗੇਵਾਲ ਵਲੋਂ ਆਪਣੀ ਕਿਸਾਨ ਜਥੇਬੰਦੀ ਦਾ ਵਿਸਥਾਰ ਕਰਦਿਆਂ ਸ.ਜਸਪ੍ਰੀਤ ਸਿੰਘ ਜਵੰਧਾ ਮਾਲੇਰਕੋਟਲਾ ਨੂੰ ਸੂਬੇ ਦਾ ਮੀਤ ਪ੍ਰਧਾਨ ਨਿਯੁਕਤ ਕੀਤਾ ਹੈ। ਇਸ ਮੌਕੇ ਸ.ਜਵੰਧਾ ਨੇ ਇੰਡੀਅਨ ਫਾਰਮਰਜ਼ ਐਸੋਸੀਏਸ਼ਨ ਦੇ ਪ੍ਰਧਾਨ ਸਤਨਾਮ ਸਿੰਘ ਬਹਿਰੂ ਅਤੇ ਸ. ਹਰਦੇਵ ਸਿੰਘ ਦਰੋਗੇਵਾਲ ਸਮੇਤ ਸੀਨੀਅਰ ਸੂਬਾਈ ਮੀਤ ਪ੍ਰਧਾਨ ਸ.ਗੁਰਦੇਵ ਸਿੰਘ ਸੰਗਾਲਾ ਅਤੇ ਇੰਡੀਅਨ ਫਾਰਮਰਜ਼ ਐਸੋਸੀਏਸ਼ਨ ਜਿਲਾ੍ਹ ਮਾਲੇਰਕੋਟਲਾ ਦੇ ਪ੍ਰਧਾਨ ਬਲਵਿੰਦਰ ਸਿੰਘ ਭੁੱਲਰ ਦਾ ਧੰਨਵਾਦ ਕਰਦਿਆਂ ਕਿਹਾ ਕਿ ਪੰਜਾਬ ਦੇ ਕਿਸਾਨਾਂ ਸਮੇਤ ਸੂਬੇ ਦੇ ਲੋਕ ਮਨਾਂ ਅੰਦਰ ਇਸ ਜਥੇਬੰਦੀ ਦਾ ਪੂਰਾ ਮਾਣ ਸਨਮਾਨ ਅਤੇ ਇੱਜਤ ਹੈ ਜਿਸ ਦੇ ਚਲਦਿਆਂ ਅਸੀਂ ਇਸ ਕਿਸਾਨ ਜਥੇਬੰਦੀ ਵਿੱਚ ਸ਼ਾਮਲ ਹੋਣ ਦਾ ਮਨ ਬਹੁਤ ਪਹਿਲਾਂ ਹੀ ਬਣਾ ਲਿਆ ਸੀ ਕਿਉਂਕਿ ਸਾਡੇ ਪ੍ਰਧਾਨ ਸਾਬ੍ਹ ਸ.ਸਤਨਾਮ ਸਿੰਘ ਬਹਿਰੂ ਇੱਕ ਤਰਾਸ਼ੇ ਹੋਏ ਹੀਰੇ ਹਨ ਜਿਹੜੇ ਪੂਰੀ ਤਰਾਂ੍ਹ ਬੇਦਾਗ ਸ਼ਖਸੀਅਤ ਹਨ। ਇਸ ਮੌਕੇ ਜ਼ਹੀਰ ਖਾਂ ਪਿੰਡ ਬਿੰਜੋਕੀ ਨੂੰ ਜਿਲਾ੍ਹ ਜਨਰਲ ਸਕੱਤਰ ਅਤੇ ਸ਼ਬੀਰ ਖਾਂ ਪਿੰਡ ਬਿੰਜੋਕੀ ਨੂੰ ਇਸ ਵਕਾਰੀ ਜਥੇਬੰਦੀ ਦਾ ਬਲਾਕ ਪ੍ਰਧਾਨ ਵੀ ਨਿਯੁਕਤ ਕੀਤਾ ਗਿਆ। ਇਸ ਮੌਕੇ ਹੋਰਨਾਂ ਤੋਂ ਇਲਾਵਾ ਬਹੁਤ ਸਾਰੇ ਜਥੇਬੰਦੀ ਦੇ ਵਰਕਰ ਵੀ ਹਾਜ਼ਰ ਸਨ।
