ਨਵੀਂ ਦਿੱਲੀ : ਇੰਡੋਨੇਸ਼ੀਆ ਤੋਂ ਇਕ ਦਿਲ ਹਿਲਾ ਦੇਣ ਵਾਲਾ ਵੀਡੀਉ ਸਾਹਮਣੇ ਆਇਆ ਹੈ। ਇਸ ਵੀਡੀਉ ਨੂੰ ਵੇਖਣ ਤੋਂ ਬਾਅਦ ਤੁਸੀਂ ਵੀ ਕੰਬ ਉਠੋਗੇ। ਇਥੇ ਬੈਂਡਿੰਗ ‘ਚ ਫੁਟਬਾਲ ਮੈਚ ਦੌਰਾਨ ਅਚਾਨਕ ਇਕ ਖਿਡਾਰੀ ‘ਤੇ ਬਿਜਲੀ ਡਿੱਗ ਗਈ, ਜਿਸ ਖਿਡਾਰੀ ਦੀ ਮੌਕੇ ‘ਤੇ ਹੀ ਮੌਤ ਹੋ ਗਈ। ਇਸ ਹਾਦਸੇ ਤੋਂ ਬਾਅਦ ਪੂਰੇ ਮੈਦਾਨ ‘ਚ ਹਫ਼ੜਾ- ਦਫ਼ੜੀ ਮਚ ਗਈ। ਖਿਡਾਰੀ ਇਧਰੋਂ ਉਧਰ ਭੱਜਣ ਲੱਗੇ । ਉਨ੍ਹਾਂ ਨੂੰ ਸਮਝ ਨਹੀਂ ਆ ਰਹੀ ਸੀ ਕਿ ਉਹ ਕੀ ਕਰਨ। ਇਹ ਵੀਡੀਓ ਸੋਸ਼ਲ ਮੀਡੀਆ ‘ਤੇ ਜੰਗਲ ਦੀ ਅੱਗ ਵਾਂਗ ਫੈਲ ਰਿਹਾ ਹੈ। ਵੀਡੀਉ ‘ਚ ਤੁਸੀਂ ਦੇਖੋਗੇ ਕਿ ਮੈਦਾਨ ਦੇ ਵਿਚਕਾਰ ਫੁਟਬਾਲ ਮੈਚ ਚਲ ਰਿਹਾ ਹੈ ਫਿਰ ਮੈਦਾਨ ‘ਤੇ ਖੇਡ ਰਹੇ ਇਕ ਖਿਡਾਰੀ ‘ਤੇ ਅਚਾਨਕ ਬਿਜਲੀ ਡਿਗਦੀ ਹੈ। ਜਿਵੇਂ ਹੀ ਖਿਡਾਰੀ ‘ਤੇ ਬਿਜਲੀ ਡਿਗਦੀ ਹੈ, ਮੈਦਾਨ ਵਿਚ ਹਲਚਲ ਮਚ ਜਾਂਦੀ ਹੈ। ਬਿਜਲੀ ਡਿੱਗਣ ਤੋਂ ਤੁਰਤ ਬਾਅਦ, ਖਿਡਾਰੀ ਡਿੱਗ ਜਾਂਦਾ ਹੈ ਅਤੇ ਉਸ ਦਾ ਸਾਹ ਰਕ ਜਾਂਦਾ ਹੈ।
