ਸਲਮਾਨ ਖਾਨ ਆਪਣੀ ਅਗਲੀ ਐਕਸ਼ਨ ਭਰਪੂਰ ਫ਼ਿਲਮ ‘ਟਾਈਗਰ 3’ ਨਾਲ ਪਰਦੇ ’ਤੇ ਧੂਮ ਮਚਾਉਣ ਲਈ ਤਿਆਰ ਹੈ। ਯਸ਼ ਰਾਜ ਫ਼ਿਲਮਜ਼ ਦੇ ਬੈਨਰ ਹੇਠ ਬਣ ਰਹੀ ਇਸ ਫਿਲਮ ਵਿੱਚ ਕੈਟਰੀਨਾ ਕੈਫ ਤੇ ਇਮਰਾਨ ਹਾਸ਼ਮੀ ਵੀ ਮੁੱਖ ਭੂਮਿਕਾਵਾਂ ਵਿੱਚ ਹਨ। ਸਲਮਾਨ ਖ਼ਾਨ ਵੱਲੋਂ ਫ਼ਿਲਮ ‘ਪਠਾਨ’ ਵਿੱਚ ਭੂਮਿਕਾ ਨਿਭਾਉਣ ਤੋਂ ਬਾਅਦ ਅਜਿਹੀਆਂ ਰਿਪੋਰਟ ਹਨ ਕਿ ਸੁਪਰਸਟਾਰ ਸ਼ਾਹਰੁਖ ਖਾਨ ਹੁਣ ‘ਟਾਈਗਰ 3’ ਹਾਜ਼ਰੀ ਲਗਵਾਉਣਗੇ। ਹੁਣ ਇਹ ਵੀ ਜਾਣਕਾਰੀ ਸਾਹਮਣੇ ਆ ਰਹੀ ਹੈ ਕਿ ਰੀਤਿਕ ਰੋਸ਼ਨ ਵੀ ‘ਟਾਈਗਰ 3’ ਵਿੱਚ ਨਜ਼ਰ ਆਵੇਗਾ।
