ਨੈਨੀਤਾਲ: ਉੱਤਰਾਖੰਡ ਦੀ ਨੈਨੀਤਾਲ ਪੁਲਸ ਨੇ 10 ਲੱਖ ਰੁਪਏ ਮੁੱਲ ਦੀ ਸਮੈਕ ਦੇ ਨਾਲ ਦੇਰ ਰਾਤ ਆਈ. ਟੀ. ਆਈ. ਦੇ ਇਕ ਵਿਦਿਆਰਥੀ ਨੂੰ ਗ੍ਰਿਫਤਾਰ ਕੀਤਾ ਹੈ। ਮੁਲਜ਼ਮ ਛੇਤੀ ਪੈਸੇ ਕਮਾਉਣ ਦੇ ਲਾਲਚ ‘ਚ ਨਸ਼ਾ ਸਮੱਗਲਰ ਬਣ ਗਿਆ। ਸੀਨੀਅਰ ਪੁਲਸ ਸੁਪਰਡੈਂਟ ਪ੍ਰਹਿਲਾਦ ਨਾਰਾਇਣ ਮੀਣਾ ਅਨੁਸਾਰ ‘ਡਰੱਗਜ਼ ਫ੍ਰੀ ਦੇਵਭੂਮੀ ਮੁਹਿੰਮ ਦੇ ਤਹਿਤ ਚੋਰਗਲੀਆ ਪੁਲਸ ਨੂੰ ਬੀਤੀ ਰਾਤ ਨੂੰ ਸਮੈਕ ਸਮੱਗਲੰਿਗ ਬਾਰੇ ਸੂਚਨਾ ਮਿਲੀ । ਚੋਰਗਲੀਆ ਥਾਣੇ ਦੇ ਇੰਚਾਰਜ ਭਗਵਾਨ ਮਹਰ ਅਤੇ ਵਿਸ਼ੇਸ਼ ਮੁਹਿੰਮ ਗਰੁੱਪ ਦੇ ਇੰਚਾਰਜ ਅਨੀਸ਼ ਅਹਿਮਦ ਦੀ ਅਗਵਾਈ ‘ਚ ਪੁਲਸ ਟੀਮ ਨੇ ਦੇਰ ਰਾਤ ਨੂੰ ਐੱਮ. ਵੀ. ਆਰ. ਜੰਗਲਾਤ ਵਿਭਾਗ ਦੇ ਬੈਰੀਅਰ ਕੋਲ ਆਪਣਾ ਜਾਲ ਵਿਛਾ ਦਿੱਤਾ।
